Кыргызстанда Кытайдын 5 жараны жазасын өтөөдө

Бишкек, 29-январь /Чолпон Сулайманова-Кабар/. Кыргызстандын түрмөлөрүндө Кытайдын 5 жараны жазасын өтөөдө. Бул туурасында бүгүн ЖК Мыйзамдуулук, укук тартиби жана кылмыштуулукка каршы күрөшүү боюнча комитетинин жыйынында КР Башкы прокурорунун орун басары Людмила Усманова билдирди.
Анын айтымында, КЭРдин 2 жараны өмүрүнүн акырына дейре камакка алынган, 1 жаранга – күчөтүлгөн колониялык режимде 12 жылга, дагы бир жаран күчөтүлгөн колониялык режимде 4 жылга жаза өтөө чечими чыгарылган.
«Дагы бир жаран колония поселениеде, анын мөөнөтү үстүбүздөгү жылдын 15-мартында аяктайт», - деди Л.Усманова.
Белгилесек, ЖК комитети “Пекин шаарында 05.06.12 кол коюлган КР жана КЭР аралык камакка алынгандарды өткөрүп берүү тууралуу келишимди ратификациялоо тууралуу” мыйзам долбоорун кароодо.