Кытайда камакка алынган Кыргызстандын 4 жаранын экстрадициялоо

Бишкек, 29-январь /Чолпон Сулайманова - Кабар/.
Башкы прокуратура Кытайда камакка алынган Кыргызстандын 4 жаранын экстрадициялоо маселесин иштеп чыгууда

Башкы прокуратура Кытайда камакка алынган Кыргызстандын 4 жаранын экстрадициялоо маселесин иштеп чыгууда. Бул туурасында бүгүн ЖК Мыйзамдуулук, укук тартиби жана кылмыштуулукка каршы күрөшүү боюнча комитетинин жыйынында КР Башкы прокурорунун орун басары Людмила Усманова билдирди.

Анын айтымында, аталган жарандар калган жаза мөөнөтүн Кыргызстанда өтөө максатында мекенине экстрадициялоо тууралуу арыз менен кайрылышкан. Бул жарандардын арасында Кытайда өмүрүнүн акырына дейре камак жазасын алган жаран да бар», - деди Л.Усманова.

Белгилесек, ЖК комитети “Пекин шаарында 05.06.12 кол коюлган КР жана КЭР аралык камакка алынгандарды өткөрүп берүү тууралуу келишимди ратификациялоо тууралуу” мыйзам долбоорун кароодо. Аталган келишим соттолгондордун, же алардын туугандарынын өтүнүчү боюнча өткөрүп берүү тууралуу маселени жөнгө салат.